વિશ્રી સ્નેહી પરમાર સાથે

કવિશ્રી સ્નેહી પરમાર સાથે ... ૨૬/૩/૨૦૧૭

ડાબેથી લેખકશ્રી અલોક્ભાઈ ચટ્ટ હું પોતે ( દિપેશ ) કટારલેખક અને કવિશ્રી કુલદીપ કારિયા અને ભાઈ પારસ સાથે 

કવિશ્રી કૃષ્ણ દવે સાથે

મજ્જાના માણસ અને ગજાના કવિશ્રી કૃષ્ણ દવે સાથે તા. ૨૬/3/૨૦૧૭ 

મને ગમતી કવિશ્રી કૃષ્ણ દવેની રચના

પતંગિયાની પાંખો છાપે, માણસ છે, બિઝનેસ કરે છે.

ઝાકળ પણ પાઉચમાં આપે, માણસ છે, બિઝનેસ કરે છે.

અજવાળાનો સ્ટોક કરીને, સૂરજને પણ બ્લોક કરીને,

પોતે તડકો થઈને વ્યાપે, માણસ છે, બિઝનેસ કરે છે.

સંબંધોની ફાઈલ રાખી ને ચહેરા પર સ્માઈલ રાખી,

લાગણીઓ લેસરથી કાપે, માણસ છે, બિઝનેસ કરે છે.

શબ્દ શબ્દને વાટી વાટી, અર્થોનું કેમિકલ છાંટી,

જળમાં પણ ચિનગારી ચાંપે, માણસ છે, બિઝનેસ કરે છે.

કલરવને પણ ટેપ કરીને, કંઠ ઉપર પણ રેપ કરીને,

માગે તે ટહુકા આલાપે, માણસ છે, બિઝનેસ કરે છે.

ચકમક લોઢું ઘસતાં ઘસતાં, ફૂંક લગાવી હસતાં હસતાં,
જ્યાં જ્યાં સળગે ત્યાં ત્યાં તાપે, માણસ છે, બિઝનેસ કરે છે.

પોતાનું આકાશ બતાવી, સૂરજ, તારા, ચન્દ્ર ગણાવી,
વાદળ ફૂટપટ્ટીથી માપે, માણસ છે, બિઝનેસ કરે છે.

કૃષ્ણ દવે